મારી લાડકવાઇઓ

મન ના ભાવો ને વ્યક્ત કરવા ઘણાં માધ્યમ છે…..
જેવો ભાવ એવુ માધ્યમ……. હર્ષ,દુઃખ,આનંદ,શોક,ક્રોધ,ઉમંગ,પ્રેમ,દગો,
ક્રૂરતા,ઇર્ષા,……
નાચીને,કુદીને, રડીને ,લડીને ,રાડોપાડીને, ઊંઘીને ,ખાઇ ખાઇને ,બબડીને, લાતો મારીને, ગીતો ગાઇને,રાગડા તાણી ને…કેટલાક પીને(?)…
મેં વ્યક્ત કરી છે…
મારી લાગણીઓ..મારી લાડકવાઈઓ..મારી જીવાદોરી
..મારી આશાઓ…
મારી આરાધ્યા …અને મારી માહી …
ના વહાલ ને ચિત્રમા ઉતાર્યુ છે…
એક ફોન કરી ને કહે…નાની હું તને બહુ મિસ કરુ છુ..તારી બહુ યાદ આવે..
બીજી પરદેશ મા બેઠી આખા ગામ ને કહેતી ફરે મારી દાદી પાસે ઇન્ડીયા જવુ છે..મને રીક્ષા મા ફરવા લઇ જશે..
મારી મોંઘી જણશો આજે ચિત્ર માં ઉતરી ગઇ…

Caption pls…..

Advertisements
Standard

સારાપણું સારું કે ખારું

IMG_20180523_052822_DRO⚘⚘    સારાપણું   ⚘⚘

પહેલા તો સારાપણું કોને કહીશું. સારા વિચારો કે સારું વર્તન કે પછી સારા ભાવ.સારું એટલે  ખોટું નહીં એવું, ખરાબ ન હોય તેવું. સારું કયારેક કેટલાક માટે સારું હોય એ જ સમય કે સંજોગો કેટલાક માટે સમસ્યા પણ હોય.તો પછી શું  સારું શું?

સારાપણું દરેક માં હોય છે જ .પણ એ બધાં જ નથી જીરવી શકતા નથી દાખવી શકતા.એક તો મુળમાં સંસ્કાર નથી હોતા અથવા તો પરિસ્થિતિ અને સંજોગો એવા આવે કે બધું જ ચુકી જવાય છેવટે બધું જ તહસનહસ થઇ જાય.રોજબરોજ  ના જીવનમાં સહારો કે કોઇ ઉપર આધાર રાખવો જ પડે ત્યારે કોઇનું નઠારાપણું આપણને દઝાડી  જાય છે. આવા સંજોગો માં આપણે ઝઘડા કરી લઇએ,ખરાબ શબ્દો  બોલી લઇએ ને બાજી બગાડી દઇએ છીએ.આખરે ઉભય પક્ષે નુકશાન જ ને!એટલે એ તો નકકી જ કે ખરાબ થવા કરતા સારા બનવું જ ઉત્તમ છે. સારું કરીશું તો સારું પામીશું એ પણ સત્ય છે.કારણકે જેવું કરીશું એવું જ પામીશું. ઘણીવાર ખબર નથી પડતી કે ખોટું થઇ ગયું છે.સમય વહી ગયા પછી ભાન આવે કે અરે રે આ તો  મારાથી ખોટું થઇ ગયું.  આસ્તિક હો કે નાસ્તિક હો કોઇ ક તો એવું તત્વ છે  જ કે એની નજરમાં થી કોઇ છટકી નથી શકતું. કોઇક નું ભલું કરીશું તો તારું ભલું થશે એવું અનુભવી ગલઢેરાઓ કહેતા જ હોય છે આપણે એમને અવગણીએ છીએ.”કર ભલા હોગા ભલા” એ ખુબ જાણીતી કહેવત છે.ભલું કરીએ ત્યાર પછી તમારા અંતરમાં ઝાંખજો કેટલી સરસ અનુભૂતિ થશે.મન ખુશ થશ તો તન પણ ખુશ રહેશે એનો સીધો પ્રભાવ આપણાં રોજીંદા જીવન ઉપર પડશે.એનો ફરક પણ મહેસુસ થશે.સારાપણું પણ વયક્તિ જોઇને ના દાખવશો .કેટલીકવાર સમવિષમ કરવું પડે પણ આપણે  સારાઇ નહીં છોડવી.એવું પણ ના વિચારવું કે આ મારું સારું કરશે કે તો નકામો માણસ છે એ એના નસીબ ઉપર છોડવું. આપણે આપણું કર્તવ્ય કર્યે રાખવું.

ચાલો આ તો ખુબ સરસ વાત થઇ પણ દરેક વાત ના બે પાસા હોય છે.ઘણાં કિસ્સા માં એવું પણ બને છે કે સતત સારાપણું દાખવવા જતાં સામે ના પક્ષે આપણી કિંમત નથી રહેતી,કદર નથી રહેતી અને આપણી આ ભલમનસાઇ ને આપણી નબળાઇ ગણી લે છે અને સતત અપેક્ષિત રહે છે.જરાક ભુલ થઈ તો બધું જ બગાડી નાંખે છે.એટલે આ વાત પણ એટલી જ ધ્યાનમાં લેવી.સમય આવે તો છોડી દેવું પણ આપણી સાલસતા નો લાભ ના લે એ આપણે જ જોતા રહેવું. કયારેક તો એની કદર થશે જ,કયારેક તો એની કિંમત સમજાશે જ ત્યારે આપણે ઉંચા જ હોઈશું એની નજરમાં અને આપણે આપણી નજરમાં…

कर भला होगा भला।

સંગીતા કોઠારી દેસાઈ 😊

Standard

કેટલાક લોકો પોતાની જાતને એટલા ચાલાક સમજતા હોય છે અને એમને એવુ લાગે કે ચાલો સામેવાળા ને સારુ લાગે તેવુ કહી દીધુ,પણ ખબર નહીં મને તો ગોડ ગીફટ છે , હું તો બહુ જલદી જાણી લઉ છુ કે એ આપણો છે કે બીજાનો.જાણતા હોવા છતા નજરઅંદાજ કરી લઉ છુ . ઘણા લોકો લુચ્ચા,બળેલા, ,ઇર્ષાળુ હોય છે જે પોતે એવુ માને છે કે આપણે મુરખ છીએ!!!
ના બોસ એ તો આપણે ય હસી લેવુ પડે કારણ કે એ બધે જાળ પાથરી ને બેસી ગયેલા હોય,તાકાત હોય કે ના હોય.અધુરા જ્ઞાન ને જયાં ત્યાં છલકાવતા ફરતા હોય .ઘણી વાર સારી ક્ષમતા ધરાવતા લોકો ને કપટથી દુર રાખતા હોય છે.પોતાને હાજી ,સરજી કહે તેવાઓ ને બગલમાં લઇ ને ફરતા રહે છે.
સ્માર્ટ છીએ એવી એક પરિસ્થીતિ ઉભી કરવામા સફળ થઇ જાય છે.
સાલસ સ્વભાવ ઘણી બધી વાર નડી જાય છે.સાચ્ચા હોવા છતા જવા દો ની ભાવના ને નબળાઇ માં ખપાવી દેવાય છે.એટલે જ વગર વાંકે પણ અપરાધી હોઇએ એવુ જતાવી જતા હોય છે.કેટલીય વાર સમસમી જવાય ને વિદ્રોહ કરવાનુ મન થઇ જાય પણ ના ,અંદર
ની સમજદારી બધુ દબાવી દે છે આ દબાણ બે રીતે બહાર આવે ,કાં તો સર્જન કાં તો વિનાશ.
સમજદારી હોય તો સર્જન થાય નહીં તો ગર્તા.
એકંદરે મન ને સમજાવી ને ધીરજથી વાળી લેવુ પડે તો જગત જીવવા જેવુ લાગે.નહીં તો પછી નરક ભોગવવાનુ.
હા આ વાતનો સાર એટલો જ કે જો સારા હોઇએ તો સરવાળે બધુ જ સારુ થાય.ઇશ્વર કે અજ્ઞાત બંન્ને ની કૃપા રહે.સારા ને સારુ મળી રહે,દેખાતુ કે ઢંકાયેલુ!!!
આપણે કેટલા બધા સમાજલક્ષી છીએ કે સારા ને સારુ કહેતા ડર લાગે છે , લોગ કયા કહેંગે?આપણી સારપ લોકો ના કારણે શા માટે દબાવી દેવી?સારા ને સારુ કહેવા જેટલી હિંમત હશે તો જીવન પણ સરળ બની રહેશે.
કોઇ ના વિચારો ને ફુટબોલની જેમ ફંગોળો નહીં,
બીજા પાછા મસાલો ભરી ને ત્રીજા ને લાત મારે,કેટલુ ખરાબ કૃત્ય!!!
જરા જેટલો પણ વિચાર નથી કરતા કે સામેવાળી વ્યક્તિ ને કેટલો ઘા માર્યો?કોઇ નું ભલુ ના થાય તો ઠીક પણ કોઇનુ ખરાબ તો ના કરો ભલા…
ઓહ ..આપણે બંદા બહુ નસીબદાર છીએ આ સાલસતા ,નિષ્કપટતા,જાને દો ની ભાવના ને કારણે પોતાના કહી શકાય,સાંત્વન મળી શકે તેવા સંબંધો ને સુંદર રુપ આપ્યુ છે.
મધુબન ખુશ્બુ દેતા હૈ…સાગર સાવન દેતા હૈ.

Standard

પાલનહારા

IMG_20180619_015346_577તમારા ઉંચા થયેલા હાથ હજુ સુધી વરસી રહયા છે, એટલે જ આ દિવસો ને હસતા હસતા માણું છુ.તમારી આંગળીઓ પકડી ને જ તો દુનિયા મા બધે રખડી છુ,ઘડાઇ છુ. તમારી કામ કરવાની ચોકસાઇ ની તોલે હજુ સુધી કોઇ જ નથી આવ્યુ.સુંદર મરોડદાર અક્ષરો,શાક ના કે ફળો ના જાણે માપી ને કાપેલા ટુકડા,ખાવા ના શોખીન,પથારી ઉપર સળ વગરની પાથરેલી ચાદર ,ટ્રક ની ડ્રાઇવરી,ફળિયાના દરેક બાળકો ના તમારો કડપ અને ગામ આખા ના અશ્વિનમામા ……
મારા પાપા તમારી તંદુરસ્તી આવી જ બરકરાર રહે😍
❤❤❤

Standard

હું દેવ હું ઈશ્વર

હું દેવ …હું ઇશ્વર,
હું વસતોતો ધરા ના કણેકણમાં
હું મહેંકતો ફળફુલોના બાગમાં
હું ફરકતો ઘેરી ઘેરી ડાળોઓમાં
હું પેમરતો મીઠીમીઠી વાડીઓમાં
હું વહેતોતો છલકતી નદીઓમાં
હું ઉભરાતો ડુંગરા ને પહાડોમાં
હું ઉછરતો ઘટાટોપ જંગલમાં
હું વિહરતો હૈયે ને
આભલિયે
હું હસતોતો પળે પળ માં
હે માનવ તારી રગેરગમા
રહેતો હતો તારી કોખમાં
મહાલતો હૈયામહેલમાં
હું વિસરાયો આ જગમાં
કયાં જાઉ હું ને કયાં રહું
નથી તારી કોખમાં શાંતિ
કે નથી સ્થાન તારા હૈયે
મન મસ્તિષ્કે છવાયેલો
તારી ક્રૃરતાએ હડસેલ્યો
નથી ધરતીમાં રસ હવે
જાઉં છું હું શોધજે હવે

IMG_20180526_030832_DRO

Standard

20180523_185116

મારું નૃત્ય

Image

બાળપણ ની સખીઓ

 

આંબલી પિપળી રમતા અમે,
આમલી કાતરા ખાતા અમે,
તળાવે ધબુકા મારતા અમે,
એકબીજાનુ ઝુંટવતા અમે,
મારમ્ મારી કરતા અમે,
કાચી કેરીઓ ઝુડતા અમે,
ઝઘડા ટંટા કરતા અમે,
ગોટ અંગોઇ જતા અમે,
રંગે હોળી રમતા અમે,
સાથે નિશાળે જતા અમે,
થપ્પો લંગડી રમતા અમે,
લેશન સાથે કરતા અમે,
એકબીજા ના વ્હાલા અમે,
ભેરવાયા સંસારે હવે,

દોસ્તો..બહુ યાદ આવે હવે,

નયના, સંગીતા,દિપ્તિ, તૃપ્તિ,
દીના સીમા ઉર્મીલા ,સોનલ,
અર્ચના,મૌનિકા,સેફાલી અને
હવે આકાશે જઇ બેસી એવી રક્ષા
ચાલો એકવાર તો આવો,
બોર,ગોરસ આમલી,કાચી કેરી
ટીંબરવા,રાયણા ઝાપટવા,
લડાલડી ને કીટ્ટા બુચ્ચા કરવા,
મારા ઝાલોદ ના તળાવ ની પાળે
મંદિર,ડેરી ને જળે ભરવા,
ઘડા લઇ ને તરવા નહાવા,
આવો સખી ઓ એકવાર તો મળવા…😥😥😥😥
…… સંગીતા કોઠારી દેસાઇ…..

Standard

મારી વહાલી

20171208_142310.jpgદુનિયામાં સૌથી વધુ મારા હાસ્ય ને મહેકતુ રાખતી,
હર પળ હૃદય ના ખુણે બેસી ને મારા કરમ ધરમને જગાડતી,
પળેપળ સભાનપણે સંગાથી બની
મારા આતમને ઢંઢોળતી,
સદાય હૈયૈ વલવલતી , ન કોઈ આશા ,
ન કોઈ અપેક્ષા રાખતી ,
મારા આનંદ ને અને મારી ખુશીઓને
અનરાધાર જીવંત રાખતી,
મા છે કે જન્નત થી ઉતરી આવેલી
દયાની ,હેત ની મુરતી!

મા તુ એક પળ મારા તનમનથી ખસી નથી,હજારો માઇલ ભલે દુર આવી,
ચાર સમંદર પાર ભલે પણ નજરમાં
સતત છવાયેલી, તને વ્હાલ થી ભેટવા
મારું મનડું ઝંખે,તારા માથે હાથ ફેરવવા
દલડુ તડપે…
મા તને પ્રણામ😍

Standard